ပျော်ဘွယ် KBZ ဘဏ်ပြိုကျမှုမှာ အမျိုးသမီးအလောင်းနှစ်လောင်း ထပ်မံရှာတွေ့
ပျော်ဘွယ်မြို့ ကမ္ဘောဇဘဏ် အဆောက်အဦ ပြိုကျမှုဖြစ်စဉ်က အမျိုးသမီး ရုပ်အလောင်းနှစ်လောင်းကို ဒီကနေ့ ဧပြီ ၂ရက်နေ့ မနက်ပိုင်းမှာ ထပ်မံရှာဖွေတွေ့ရှိခဲ့တယ်လို့ မြန်မာနိုင်ငံ မီးသတ်တပ်ဖွဲ့က သတင်းထုတ်ပြန်လာပါတယ်။
ဘဏ်အဆောက်အဦ ပြိုကျမှုမှာ အသက်ရှင်ကျန်ရစ်သူတွေ မရှိတော့ဘူးလို့ နိုင်ငံတကာ ကယ်ဆယ်ရေးအဖွဲ့တွေက ဆုံးဖြတ်ပြီးနောက်မှာ ရှင်းလင်းရေး လုပ်ငန်းတွေကို စတင်လုပ်ဆောင်နေတာပဲ ဖြစ်ပါတယ်။
ပျော်ဘွယ် ကမ္ဘောဇဘဏ် ပြိုကျမှုဖြစ်စဉ်မှာ ကနဦး ရှာဖွေ ကယ်ဆယ်ရေးအဖွဲ့တွေကို စစ်တပ်နဲ့ ရဲတပ်ဖွဲ့က ဘဏ်လုံခြုံရေးအရဆိုပြီး တားမြစ်မှုတွေလည်း ရှိခဲ့တယ်လို့ သိရပါတယ်။
နှစ်ပေါင်း ၁၈၆နှစ်အတွင်း အဆိုးဝါးဆုံးငလျင်ဘေးကို ကြုံတွေ့ခဲ့ရပြီးနောက် ပြိုကျပျက်စီးမှုတွေအကြား ပိတ်မိနေသူတွေကို ငလျင်ဘေးကြုံတွေ့ပြီး ဒီကနေ့ ၅ ရက်မြောက်နေ့ထိ ရှာဖွေကယ်ဆယ်ရေးတွေ နေရာအနှံ့ဆက်လက်လုပ်ဆောင်နေကြကာ အသက်ရှင်လျက် ကယ်တင်နိုင်သူတွေလည်း ရှိနေပါသေးတယ်။
ဓာတ်ပုံ – မြန်မာနိုင်ငံ မီးသတ်တပ်ဖွဲ့