ထီးလင်းPDFက CDMဝင်လာသည့် ရဲတပ်သားကို သိန်း၆၀ချီးမြှင့်
မကွေးတိုင်း ထီးလင်းမြို့နယ်ထဲမှာ ရဲတပ်သားတစ်ဦး CDMဝင်ရောက်လာပြီး အဆိုပါရဲတပ်သားကို ငွေကျပ်သိန်း၆၀ချီးမြှင့်ခဲ့ကြောင်း ထီးလင်းPDFက ယနေ့မှာထုတ်ပြန်ထားသည်။
ထီးလင်းမြို့မရဲစခန်းမှ ရဲတပ်သား တစ်ဦးသည် ပြီးခဲ့သည့် စက်တင်ဘာလ၈ ရက်နေ့မှာထီးလင်း PDF၏ဂန့်ဂေါခရိုင် တပ်ရင်းများသို့ ဆက်သွယ်ကာ လက်နက်ခဲယမ်းများဖြင့် CDM ဝင်ရောက်လာခဲ့တာပဲဖြစ်သည်။
အဆိုပါရဲတပ်သားသည် BA 64 (G4)တစ်လက်၊ ကျည်ဘောက် ၂ ဘောက်၊ ကျည် ၂၄၈ တောင့်၊ လှံစွပ် ၁ ချောင်း တို့ပါ ယူဆောင်လာပြီး CDMပြုလုပ်လာခြင်းကြောင့် ထီးလင်းPDFက ငွေကျပ်သိန်း၆၀ချီးမြှင့်ခဲ့ခြင်းဖြစ်ကြောင်း သိရသည်။
CDMပြုလုပ်ရန်ဆန္ဒရှိနေသည့် စစ်ကောင်စီလက် အောက်ခံ ရဲနှင့်စစ်သားများအနေဖြင့် ဂန့်ဂေါခရိုင်တပ်ရင်များကို ဆက်သွယ်CDMပြုလုပ်နိုင်ကြောင်း ထုတ်ပြန်ချက်တွင် ပါရှိသည်။