လက်နက်ကိုင်တော်လှန်ရေး၊ ကြားကာလအုပ်ချုပ်ရေး၊ တရားစီရင်ရေးနှင့် ပအဖ၊ ပကဖ

---

အညာ​ဒေသတွင် လက်နက်ကိုင်​တော်လှန်​ရေး အား​ကောင်းလာခြင်းနှင့်အတူ ကြားကာလ အုပ်ချုပ်​ရေးနှင့် တရားစီရင်​ရေးသည် ကြီးမားသည့် စိန်​ခေါ်မှု တစ်ရပ်ဖြစ်သည်။

 

အာဏာရှင်စနစ်ကို လက်နက်ကိုင် ​တော်လှန်သည်ဟု ဆိုရာဝယ် တိုက်ခိုက်​ရေးသည် အ​ရေးပါသည့် အခန်းကဏ္ဍတွင်ရှိသလို ထိန်းချုပ်လာနိုင်သည့် နယ်​မြေများတွင် အုပ်ချုပ်​ရေးနှင့် တရားစီရင်​ရေး ကဏ္ဍများ ​ဆောင်ရွက်နိုင်ရန် ပအဖ ပကဖ သည်လည်း အ​ရေးပါသည့် ​နေရာတွင် ရှိလာသည်။

 

အညာ​ဒေသသည် NUG MOD၏ အာဏာတည်ရာ ၊အစိုးရယန္တရားလည်ပတ်ရာ ​အချက်အချာကျသည့် ဒေသတစ်ခုဖြစ်​​နေသည်။ ထို့အတွက် နယ်​မြေစိုးမိုး​ရေးကို အခိုင်အမာတည်​ဆောက်ကာ ထိန်းချုပ်မှု အပြည့်အဝ ရယူထားရန် အလွန်အ​ရေးကြီးလှသည်။

 

“ပအဖ ပကဖ ဖွဲ့စည်းပြီးချိန်ကစပြီး ​​တော်လှန်​ရေးနဲ့ ပတ်သက်ပြီး ထိ​ရောက်တာ​တွေက အများကြီးဘဲ။ ရပ်​ကျေး ၊မြို့နယ်​တွေရဲ့ ကဏ္ဍအသီးသီး တိုးတတ်​ကောင်းမွန်လာတယ်။ စစ်​ရေးတစ်ခုတည်းဘဲ မဟုတ်​တော့ဘဲ ပြန်လည် ထူ​ထောင်​ရေး လုပ်ငန်းစဥ်​တွေကိုပါ လုပ်​ဆောင်လာနိုင်တယ်။”ဟု ပုလဲမြို့နယ် ပအဖ ပကဖ ကိုယ်စားလှယ် ကိုဇွဲက ​ပြောကြားသည်။

 

ပအဖဆိုသည်မှာ ပြည်သူ့အုပ်ချုပ်​ရေးအဖွဲ့ဖြစ်ပြီး PDFထိန်းချုပ်နယ်​မြေများ အတွင်းရှိ ​ကျေးရွာများ မြို့နယ်များတွင် စစ်​ကောင်စီအုပ်ချုပ်​​ရေး တရားစီရင်​ရေးစနစ်များကို ဖြုတ်ချကာ ပြည်သူလူထုက အုပ်ချုပ်သည့် အုပ်ချုပ်​ရေးစနစ် တရားစီရင်​ရေးစနစ်ကို အစားထိုးလိုက်ခြင်း ဖြစ်သည်။

 

“အရင်ကဆို ရပ်ရွာမှာ အမှုအခင်း​တွေဖြစ်လာရင် ဘယ်သူ့ကိုတိုင်လို့တို င်ရမှန်းမသိဘူး။ ဘယ်သူ​ဖြေရှင်း​ပေးမလဲဆိုတာ မသိဘူး။ ဥပ​ဒေမဲ့​နေသလိုမျိုး ဘယ်သူ့အ​ဖေ​ခေါ်ရမှန်း မသိဖြစ်တာ။ ​နောက်ပိုင်း ပအဖ ပကဖ ​တွေ​ပေါ်မှဘဲ သူတို့က ​ဖြေရှင်း​ပေးတယ်။အဆင်​ပြေ​တာ​ပေါ့။”ဟု စစ်ကိုင်းတိုင်း ပုလဲမြို့နယ်​နေ ပြည်သူတစ်ဦးက ဆိုသည်။

 

ပအဖ လုပ်ငန်းစဥ်များအ​နေဖြင့် ရပ်​ကျေး ၊မြို့နယ်အဆင့် အုပ်ချုပ်​ရေး၊ တရားစီရင်​ရေး ၊ပညာ​ရေး၊ ကျန်းမာ​ရေး ၊ဖွံ့ဖြိုး​ရေးလုပ်ငန်းစဥ်များ လုပ်​ဆောင်ရခြင်းဖြစ်သည်။

 

ပကဖလုပ်ငန်းစဥ်များအ​နေဖြင့် ရပ်​ကျေးလုံခြုံ​ရေးများ ဖွဲ့စည်းခြင်း၊ ထိုမှတစ်ဆင့် NUG MOD၏ မူဝါဒများအတိုင်း တပ်ရင်း တပ်ဖွဲ့များဖွဲ့စည်းခြင်း၊NUG MOD အသိအမှတ်ပြု တပ်ရင်း Codeများ ရရှိရန်ကြိုးပမ်းခြင်း စသည့် လုပ်ငန်းစဥ်များ လုပ်​ဆောင်ရသည်။

 

“အခုလို လုပ်ငန်းစဥ်​တွေလုပ်​ဆောင်ဖို့ ​ငွေ​ကြေးကဏ္ဍကို​တော့ တရားဝင်အခွန်​ငွေ စီးဆင်းဖို့ ဂိတ်​တွေဖွင့်ပြီး ​ဆောင်ရွက်တယ်။”ဟု ပုလဲမြို့နယ် ပအဖ ပကဖ ကိုယ်စားလှယ် ကိုဇွဲက ​ပြောကြားသည်။

 

အခွန်​ငွေများကို NUG MODအား အခွန်​ဆောင်ကာ ပညာ​ရေး၊ကျန်းမာ​ရေး၊ဖွံ့ဖြိုး​ရေး စသည့် လုပ်ငန်းစဥ်များအတွက် ရာခိုင်းနှုန်းအလိုက် ခွဲ​ဝေသုံးစွဲသည်။

 

လက်နက်ကိုင်​ တော်လှန်​ရေးအတွင်း လက်နက်ကိုင်အချင်းချင်းဖြစ်ပွားသည့် ပဋိပက္ခများ ၊လက်နက်ကိုင်နှင့် ပြည်သူဖြစ်ပွားသည့် ပဋိပက္ခများကို ပကဖအ​နေဖြင့် ကြား​နေကာ ဝင်​ရောက်​​ဖြေရှင်းရသည်များရှိသည်။

 

“အဲ့လိုပဋိပက္ခ​တွေကို​တော့ ကြီးထွားမလာ​အောင် ပကဖအ​နေနဲ့ ဘယ်အဖွဲ့အစည်း ဘယ်သူ့ကိုမှ မျက်နှာမလိုက်ဘဲ ​ဖြေရှင်း​ပေးရတယ်​ပေါ့။”ဟု ကိုဇွဲက ဆက်လက်​ပြောကြားသည်။

 

လက်ရှိအချိန်တွင် စစ်ကိုင်းတိုင်း အတွင်းရှိ မြို့နယ် ​တော်​တော်များတွင် ပအဖ ပကဖများဖွဲ့စည်းကာ ချိတ်ဆက်လုပ်​ဆောင်​ရေး လုပ်ငန်းများ အား​ကောင်းလျက်ရှိသလို အားနည်းချက်များသည်လည်း အများအပြားရှိ​နေပြန်သည်။

 

” စစ်ကိုင်းအတွင်းမှာ​တော့ လုပ်ငန်း​ဆိုင်ရာကိစ္စ​တွေအတွက် ခရီးသွားမယ်ဆိုရင် တစ်မြို့နယ်နဲ့တစ်မြို့နယ် ချိတ်ဆက်တယ်။ စစ်​ကြောင်းရှင်းမရှင်း လမ်းသာမသာ ချိတ်ဆက်​မေးမြန်းတယ်။သူတို့က အ​ခြေအ​နေပြန်​ပြောမှ သွားတယ်။​ဒေသခံ​တွေကို ​ကျော်မလုပ်ဘူး​​ပေါ့။ အဲ့လိုသွားတဲ့အတွက် အန္တရာယ်ကင်းတယ်။”ဟု ကိုဇွဲက ဆိုသည်။

 

စစ်ကိုင်းတိုင်းအတွင်းရှိ မြို့နယ်အချို့တွင် ပအဖ ပကဖ လုပ်ငန်းစဥ်များသည် လွဲ​ချော်မှုများရှိ​နေ​သေးသည်ကို​တွေ့ရသည် ။ဥပမာ ပကဖက ၄င်းလုပ်ငန်းစဥ်များကို မလုပ်ဘဲ ပအဖလုပ်ငန်းစဥ်များတွင် ဝင်​ရောက် စွတ်ဖက်ခြင်းများ ရှိသည်ကို ​တွေ့ရသည်။

 

အလားတူ ရပ်​ကျေး ၊မြို့နယ် ၊ခရိုင် ၊တိုင်း အဆင့် ပအဖ ပကဖများအ​နေဖြင့်လည်း ချိတ်ဆက် လွဲ​ချော်​နေမှုများသည်လည်း ရှိ​နေပြန်သည်ကို​တွေ့ရသည်။ မြို့နယ်က အလုပ်လုပ်သ​လောက် ခရိုင်က အလုပ်မလုပ်သည့် ပအဖ ပကဖ များလည်း ရှိ​နေသည်။ ခရိုင်ကအလုပ်လုပ်သ​လောက် မြို့နယ်က အလုပ်မလုပ်သည်များလည်း ရှိသည်။

 

အများယူဆသလို ပအဖ ပကဖများသည် NLDပါတီဝင်များ ၊လွှတ်​တော်ကိုယ်စားလှယ်များ ကြီးစိုး​နေသည့် အဖွဲ့အစည်းမဟုတ်သည်ကို သတိပြုရန်လည်း လိုအပ်သည် ။ထိုသို့​ပြောသည့်အတွက် NLDပါတီဝင်များ၊ အမတ်များ မပါဝင်ဘူးလားဆိုသည့် ​မေးခွန်းများရှိသည်။

 

 

အညာ​ဒေသတွင် အာဏာသိမ်းကာစ ထွက်​ပြေးတိမ်း​ရှောင်သွားကြသည့် အမတ်များရှိသည်။ ပြည်ပသို့တိမ်း​ရှောင်သွားကြသလို EAOs နယ်​မြေများသို့ တိမ်း​ရှောင်သွားသူများလည်း ရှိသည်။ အညာ​ဒေသ လက်နက်ကိုင်​တော်လှန်​ရေးစတင်ချိန်မှ ယခုအထိ လုပ်​ဆောင်​နေသူများလည်း ရှိသည်ကို သတိပြုရမည်ဖြစ်သည်။

 

စစ်ကိုင်းတိုင်း အတွင်းရှိ မြို့နယ်အချို့တွင် ပအဖ ပကဖကို NLDပါတီဝင်များ ဦး​ဆောင်သလို ​တစ်ချို့မြို့နယ်များတွင် ပါတီဝင်မဟုတ်သည့် နိုင်ငံ​ရေးတတ်ကြွလှုပ်ရှားသူများက ဦး​ဆောင်သည်။​ကျောင်းသားသမဂ္ဂများ ဦး​ဆောင်သည့် ပကဖ ပအဖ များလည်း ရှိသည်။ အဆိုပါအဖွဲ့အစည်း၃ခု ပူး​ပေါင်းလုပ်​ဆောင်သည့် ပအဖ ပကဖများလည်းရှိသည်။

 

ပအဖ ပကဖ လုပ်ငန်းစဥ်များသည် ပါတီမူဝါဒများ ၊လုပ်ငန်းစဥ်များနှင့် မတူ​ပေ။ NUG MOD ၏ မူဝါဒများအတိုင်း လုပ်​ဆောင်​နေကြခြင်း ဖြစ်သည်ကိုလည်း ​တွေ့ရသည်။

 

NUG MODအ​နေဖြင့် ပကဖ ပအဖ များအား​ကောင်းလာ​ရေး၊စည်းစနစ်တကျဖွဲ့စည်းမှုများဖြင့် ပြည်သူလူထုကို ဗဟိုပြု​သော ယန္တရားတစ်ခုအဖြစ် လည်ပတ်နိုင်​ရေးကို ခိုင်မာသည့် မူဝါဒများချမှတ်ကာ ​ထောက်ပံ့ကူညီမှုများ လုပ်​ဆောင်နိုင်​ပေးရန် လိုအပ်သည်ဟု နိုင်ငံ​ရေး​ လေ့လာသုံးသပ်သူများက ​ပြောသည်။