နေပြည်တော် ရေပန်းဥယျာဉ်၌ မိုးအောင်ရင် DJပွတ်ပြီး ညစျေးရောင်းမှာကို မြို့ခံအချို့ မကြိုက်
နေပြည်တော်ကောင်စီနယ်မြေတွင် လာမည့်သီတင်းကျွတ်ပွဲတော် ကာလအတွင်း အပန်းဖြေအနားယူနိုင်ရန် DJ SAIအပါအဝင် DJ ပညာရှင်များနှင့် ညဈေးရောင်းပွဲတော်နှင့် ဖျော်ဖြေပွဲများ ကျင်းပ သွားမည်ကို မြို့ခံတွေက ကန့်ကွက်ကြသည်ဟု ဝန်ထမ်းအချို့ဆီက သိရသည်။
နေပြည်တော် ရေပန်းဥယျာဉ် ညဈေးရောင်းပွဲတော်ကို စစ်ကောင်စီက အောက်တိုဘာ ၈ ရက်နေ့တွင် ကျင်းပမည်စီစဥ်ခဲ့ရာ DJ ထည့်သွင်းရာတွင် သရုပ်ဆောင်မိုးအောင်ရင်ကို ငှါးမည့်အစီအစဥ်ကို ကန့်ကွက်သူအချို့ရှိသည်ဟု မြို့ခံတစ်ဦးက ပြောသည်။
“ဘာမှတီးတက်တာမဟုတ်ဘဲ ပိုက်ဆံအကုန်ကျမခံချင်ဘူး ဒါတောင် DJ SAI က ငှားချင်တိုင်း ငှါးလို့မရဘူးလို့ ပြောလို့ မဌားနဲ့လို့ပြောလိုက်တယ် အခြားအဖွဲ့ကို လက်ခံတယ် သူတို့ဌာနထဲမှာကိုက ဘယ်သူ့ငှါးရမယ်မသိဖြစ်နေပြီ”ဟု ပြောသည်။
ရေပန်းဥယျာဉ် ညဈေးရောင်းပွဲတော်တွင် ဆိုင်ခန်းပေါင်း ၅၀ ကျော်ဖြင့် ဖွင့်လှစ်ရောင်းပေးသွားမှာဖြစ်ပြီး ည ၉ နာရီအထိ ဖွင့်လှစ်ပေးသွားမည်ဟု ဝန်ထမ်းတစ်ဦးက ပြောသည်။
“အစီအစဥ်တွေကိုကြိုက်တယ် DJ တွေကို မိုးအောင်ရင်တို့ လမင်းကဗျာတို့ဆိုလို့ မသွားတော့ဘူး ဘာမှမတက်ဘဲနဲ့
လုပ်နေကြတာ နားငြီးခံပြီးမသွားတော့ဘူး”ဟု ဝန်ထမ်းမိသားစုဝင်တစ်ဦးက ရှင်းပြသည်။
နေပြည်တော် ရေပန်းဥယျာဉ် ညဈေးရောင်းပွဲတော်ကို အောက်တိုဘာ ၈ ရက်မှ ၁၀ ရက်အထိ နိုင်ငံကျော် DJ ပညာရှင် DJ SAI မှ DJ ၊ Band အဖွဲ့များနှင့်အတူ ညနေ ၆ နာရီမှ စတင်၍ ည ၉ နာရီအထိ သီဆိုဖျော်ဖြေသွားမှာဖြစ်သည်ဟု အမည်မဖော်လိုသူဝန်ထမ်းတစ်ဦးက ပြောသည်။
လက်ရှိအခြေအနေတွင် နေပြည်တော် ရေပန်းဥယျာဉ် ညဈေးရောင်းပွဲတော်၌ DJ SAI (ခ)မိုးအောင်ရင်နှင့် DJ Moon(ခ) လမင်းကဗျာ တို့အဖွဲ့ ခေါ်ယူသည့်ကိစွနှင့်ပါတ်သတ်၍ နေပြည်တော်စည်ပင်မှ ဆုံးဖြတ်ရခက်နေသည်ဟု ဌာနဆိုင်ရာ ဝန်ထမ်းတွေဆီက သိရသည်။
နေပြည်တော်ရေပန်းဥယျာဉ် ဝင်ကြေးမှာ လူတစ်ဦးလျှင် သုံးထောင်ကျပ်ကျသင့်မှာဖြစ်ပြီး ငါးနှစ်အောက်ကလေးများ အခမဲ့ဝင်ခွင့်ပြုမှာဖြစ်သည်။