မိုင်းထိကားကိုပြင်သည့် စစ်ကောင်စီစစ်ကြောင်းအား PDFဝင်တိုက်မှုကြောင့် ရှစ်ဦးသေ
စစ်ကိုင်းတိုင်းဒေသကြီး၊ ချောင်းဦးမြို့နယ်နှင့် ခင်မွန်ကျေးရွာအနီးတွင် မိုင်းထိကားကို ပြင်နေသည့် စစ်ကောင်စီစစ်ကြောင်းအား PDFက ဝင်ရောက်မှုကြောင့် စစ်ကောင်စီတပ်သား ရှစ်ဦးသေဆုံးခဲ့ကြောင်း ချောင်းဦးမြို့နယ် ပြည်သူ့ကာကွယ်ရေတပ်ဖွဲ့(CHUPDF)က ယနေ့ထုတ်ပြန်ထားသည်။
ဖြစ်စဥ်သည် စက်တင်ဘာ ၂၅ရက်တွင် စစ်ကိုင်းမြို့မှ မုံရွာမြို့သို့ မုံရွာ-မန္တလေးလမ်းမကြီးအတိုင်း ထွက်ခွာလာသည့် စစ်ကောင်စီထောက်ပို့ယာဥ်တန်းကို CHUPDF တပ်ခွဲ ၄မှ မိုင်းဆွဲတိုက်ခိုက်ခဲ့ခြင်းဖြစ်ပြီး စစ်ကားတစ်စီး ပျက်စီးခဲ့သည်။
အဆိုပါ ပျက်စီးခဲ့သည့်စစ်ကားကို အတူပါလာသည့်စစ်ကားတစ်စီးမှ ပြုပြင်နေစဥ် CHUPDFတပ်ခွဲ ၄နှင့်တပ်ခွဲ ၁ တို့က ပူးပေါင်းတိုက်ခိုက်ခဲ့ခြင်း ဖြစ်သည်။
ယင်းတိုက်ပွဲတွင် စစ်ကောင်စီမှ ရှစ်ဦးသေဆုံးခဲ့ပြီး CHUPDFမှ ရဲဘော်နှစ်ဦး မစိုးရိမ်ရဒဏ်ရာရရှိခဲ့သည်။
ရန်သူ့ဘက်မှ BA-72(G1) ၁လက်၊ MA-3 ၁လက်၊ BA-94(Uzhi) ၁လက်၊ 7.62(ကပစ) ၂၀တောင့်၊ 5.56(ကပစ) ၂၆တောင့်၊ 9mm(ကပစ) ၁၅တောင့်၊ ဓားမြှောင် ၁လက်၊ Mytel Keypad ၁လုံး၊ walkitalki (ဆက်သွယ်ရေးစကားပြောစက်) ၁လုံး သိမ်းဆည်းရရှိခဲ့ကြောင်း CHUPDFကထုတ်ပြန်ထားသည်။