ချင်းရွှေဟော်က စစ်ကောင်စီစခန်းသုံးခုကို MNDAA သိမ်းပိုက်
ရှမ်းပြည်နယ်(မြောက်ပိုင်း) ချင်းရွှေဟော်မြို့က စစ်ကောင်စီခြေကုပ်ယူထားသည့် စခန်းသုံးခုကို ယနေ့နံနက်ပိုင်းတွင် သိမ်းယူနိုင်ခဲ့ကြောင်း မြန်မာအမျိုးသား ဒီမိုကရက်တစ် မဟာမိတ်တပ်မတော်(MNDAA)က ထုတ်ပြန်သည်။
အောက်တိုဘာလ ၂၈ ရက် နံနက်ပိုင်းက ဖြစ်ပွားခဲ့သည့် အဆိုပါစခန်းသိမ်းတိုက်ပွဲများအတွင်း စစ်ကောင်စီဘက်မှ အများအပြားသေဆုံးခဲ့ကြောင်း သိရသည်။
မြောက်ပိုင်းညီနောင်အဖွဲ့မှ ချင်းရွှေဟော်မြို့ နမ့်ကျွမ်းမှ စစ်စခန်း ၁ ခု၊ နမ့်ဟာမှ စစ်စခန်း ၂ ခုတို့ကို သိမ်းပိုက်နိုင်ခဲ့သည့်အပြင် မော်တာသုံးလက်အပါအဝင် အခြား စစ်လက်နက်ခဲယမ်းပစ္စည်းများကို ညီနောင်သုံးဖွဲ့ဘက်က သိမ်းယူနိုင်ခဲ့ကြောင်း သိရသည်။