“ဒီတစ်ပတ် ရွှေဈေး အတက်အကျ” (ဧပြီ ၂၈ ရက်မှ မေ ၄ ရက်အထိ)
“တက်နှုန်းမြင့် ရွှေဈေးများ ပြန်ကျပြီ”
ပြီးခဲ့တဲ့ ရက်သတ္တပတ်တွေက ဆက်တိုက်တက်နေခဲ့တဲ့ ရွှေဈေးတွေဟာ ဒီတစ်ပတ်မှာတော့ ထူးထူးခြားခြား ဈေးတွေ ပြန်ကျခဲ့ပါတယ်။
ကမ္ဘာ့ရွှေ တစ်အောင်စကို အမေရိကန် ၃၅ ဒေါ်လာကျော်အထိ ပြန်ကျခဲ့သလို အခေါက်ရွှေအမျိုုးအစားတွေ ဖြစ်တဲ့ ၁၅ ပဲရည် အခေါက်ရွှေ နဲ့ ၁၆ ပဲရည် အခေါက်ရွှေ တစ်ကျပ်သား ဈေးနှုန်းများဟာ ၆ သောင်းကျပ်စီ တူညီစွာ ဈေးကျခဲ့တာပါ။
စစ်ကောင်စီ လက်အောက်ခံ ရန်ကုန်ရွှေလုပ်ငန်းရှင်ကြီးများအသင်း (YEGA) လူမှုကွန်ရက် စာမျက်နှာမှာတော့ မတ်လ ၄ ရက်နေ့ စနေနေ့ ရွှေဈေးကွက် အပိတ်ဈေးနှုန်းအဖြစ် အကယ်ဒမီ မီးလင်းရွှေ(၁၆ ပဲရည် အခေါက်ရွှေ) တစ်ကျပ်သား ဈေးနှုန်းကို 39 သိန်း ၉ သောင်း ၉ ထောင့် ၉ ရာ (သိန်း လေးဆယ်နီးပါး) လို့ ဖော်ပြထားပါတယ်။
မြေပြင်ဈေးကွက် ရဲ့ မတ်လ ၄ ရက် နေ့ ရွှေဈေးအပိတ်ဈေးနှုန်း တွေကတော့ ၁၆ ပဲရည် အခေါက်ရွှေ တစ်ကျပ်သား ၄၇ သိန်း ၄ သောင်းကျပ်၊ ၁၅ ပဲရည် အခေါက်ရွှေ တစ်ကျပ်သား ၄၄ သိန်း ၅ သောင်းကျပ်နဲ့ ကမ္ဘာ့ရွှေတစ်အောင်စ ကို အမေရိကန် ၂၃၀၂ ဒဿမ ၅၇ ဒေါ်လာ ဈေးရှိခဲ့ပါတယ်။