“ဒီတစ်ပတ် ကျပ်ငွေ အပြောင်းအလဲ” (စက်တင်ဘာ ၃၀ မှ အောက်တိုဘာ ၅ ရက်အထိ)
“ဘတ်၊ ယွမ်တို့ကျပေမဲ့ ဒေါ်လာဈေး ပြန်တက်”
စစ်ကောင်စီ ဗဟိုဘဏ်က ဒီတစ်ပတ်ထဲမှာ အမေရိကန်ဒေါ်လာ ၂၇ သန်းနီးပါး FX အွန်လိုင်းဈေးကွက်ထဲကနေ ထပ်မံရောင်းချတယ်လို့ အဲဒီဘဏ်ရဲ့ ကြေညာချက်တွေအရ သိရပါတယ်။
ဒါပေမဲ့ ပြင်ပဒေါ်လာဈေးကွက်ထဲ အမေရိကန်ဒေါ်လာဈေးကတော့ တစ်ပတ်အတွင်းမကျဘဲ တစ်ဒေါ်လာ ၅၀ ကျပ်လောက် မြင့်တက်ခဲ့တာကိုတွေ့ရပါတယ်။ ကမ္ဘာမှာလည်း အမေရိကန်ဒေါ်လာတန်ဖိုးတွေကျဆင်းနေတာဖြစ်ပါတယ်။
ဒါ့အပြင် တရုတ်တစ်ယွမ် ၄၉၈ ကျပ်ဝန်းကျင်နှုန်းနဲ့ ယွမ် ၄ ဒသမ ၅ သန်းဝန်းကျင်နဲ့ ထိုင်းတစ်ဘတ် ၁၀၇ ကျပ်ဝန်းကျင်နှုန်းနဲ့ ဘတ် ၁၁ သန်းကျော်ရောင်းချပေးခဲ့တယ်လို့ စစ်ကောင်စီဗဟိုဘဏ်ရဲ့ ထုတ်ပြန်ချက်တွေအရ သိရပါတယ်။
ဒီလိုရောင်းချပေးတာကြောင့်အပါအဝင် လကုန်ရက်ဖြစ်တာကြောင့် ကျပ်ဈေးမာပြီး ဘတ်နဲ့ ယွမ်ဈေးတွေ ကျဆင်းခဲ့တာတွေ့ရပါတယ်။
အခုတစ်ပတ်အတွင်း ထိုင်းတစ်ဘတ် ၅ ကျပ်နီးပါးနဲ့ တရုတ်တစ်ယွမ် ၈ ကျပ်ကျဆင်းခဲ့သလို စင်ကာပူတစ်ဒေါ်လာ ၁၁၀ ကျပ်၊ မလေးရှားတစ်ရင်းဂစ် ၄၅ ကျပ်ကျဆင်းခဲ့ပါတယ်။
ဒီတစ်ပတ်စနေနေ့မှာတော့ အမေရိကန်တစ်ဒေါ်လာ ၄၇၀၀ ကျပ်၊ စင်ကာပူတစ်ဒေါ်လာ ၃၅၅၀ ကျပ်၊ ထိုင်းတစ်ဘတ် ၁၃၉ ကျပ်ကျော်၊ တရုတ်တစ်ယွမ် ၆၆၀ ကျပ်၊ မလေးရှားတစ်ရင်းဂစ် ၁၁၀၀ ကျပ်နဲ့ ဂျပန်တစ်ယန်း ၃၁ ကျပ်ကျော်ဖြစ်ပါတယ်။