Silent Strikeကို ဓာတ်ပုံရိုက်သည့် အင်းတော်ဒေသခံတစ်ဦး ဖမ်းဆီးခံရ
စစ်ကိုင်းတိုင်း အင်းတော်မြို့မှာ ယနေ့ပြုလုပ်သည့် Silent Strikeကို ဓာတ်ပုံရိုက်ယူနေသည့် အင်းတော်ဒေသခံတစ်ဦးကို စစ်ကောင်စီတပ်မှ ဖမ်းဆီးသွားကြောင်း အင်းတော်ဒေသခံတစ်ဦးထံမှ သိရသည်။
ဖမ်းဆီးခံရသူသည် အင်းတော်မြို့ အောင်ချမ်းသာရပ်ကွက်မှ အသက်၄၀ကျော်အရွယ် ဦးလှအောင် ဖြစ်ပြီး ယနေ့ ဖေဖော်ဝါရီ ၁ ရက်နေ့မှာပြုလုပ်သည့် Silent Strikeကို ဓာတ်ပုံရိုက်ယူနေစဥ် နေ့လယ် ၁၂ နာရီဝန်းကျင်ခန့်မှာ ကင်းလှည့်နေသည့်ရဲကားမှ ဖမ်းဆီးသွားခဲ့တာပဲဖြစ်သည်။
” သူ့အိမ်ရှေ့မှာပဲ ဖမ်းခံရတာ ဟိုကောင်တွေရဲ့ ကင်းလှည့်နေတဲ့ ကားနဲ့တွေ့ပြီး ခေါ်သွားတာပဲ
ဓာတ်ပုံလေးရိုက်တာတောင် ဒီကောင်တွေက ဒီလောက်ထိကြောက်နေတာ “ဟု အင်းတော်ဒေသခံတစ်ဦးက ပြောသည်။
လက်ရှိတွင် ဦးလှအောင်ကို အင်းတော်မြို့ရဲစခန်းတွင် ဖမ်းဆီးထားပြီ မည်သည့်ပုဒ်မများဖြင့် အရေးယူထားသည်ကို မသိရှိရသေးပါဘူး။
ဓာတ်ပုံ -IR team
ပုံစာညွှန်း- အင်းတော်မြို့တွင် အသံတိတ်သပိတ် ဆင်နွှဲနေပုံ
Website Link: https://cjplatform.com/
Telegram Link: https://t.me/cjplatform
YouTube Link: https://www.youtube.com/@cjplatform
Twitter Link: https://twitter.com/CjPlatform
#CjPlatform #အင်းတော် #အသံတိတ်သပိတ် #ဓာတ်ပုံသမားအဖမ်းခံရ