စစ်ကောင်စီ၏ ကာကင်းစခန်းကုန်းအား ချင်းကာကွယ်ရေးတပ်မှ စီးနင်းတိုက်ခိုက် ဗိုလ်ကြီး အပါအဝင် ခုနစ်ဦး သေဆုံး
ချင်းပြည်နယ် မတူပီမြို့ရှိ စစ်ကောင်စီ ကာကင်းကုန်းအား ဒီဇင်ဘာ ၁ရက်နေ့ တွင် ချင်းကာကွယ်ရေးတပ် မတူပီမှ ဝင်ရောက်စီးနင်း တိုက်ခိုက်ခဲ့ကြောင်း CDF Matupi ထံမှ သိရသည်။
မတူပီမင်းတပ်လမ်းပေါ်ရှိ စစ်ကောင်စီ ကာကင်းတပ်စခန်းကုန်းအား နံနက် ၉ နာရီတွင် ဝင်ရောက်စီးနင်း တိုက်ခိုက်ခဲ့ခြင်းဖြစ်ပြီး တိုက်ပွဲအတွင်း စစ်ကောင်စီတပ်မှ ဗိုလ်ကြီး ဖြိုးမင်းထက် အပါအဝင် ခုနစ်ဦး သေဆုံးခဲ့သည်ဟု ဆိုသည်။
” စခန်းသိမ်းတဲ့ တိုက်ပွဲမဟုတ်ပါဘူး ဝင်ပြီးတိုက်ခိုက်ခဲ့တာပါ ကျနော်တို့ဘက်က အကျအဆုံးလည်း မရှိပါဘူး” ဟု ချင်းလဲန်းကာကွယ်ရေးတပ်ဖွဲ့ မတူပီ မှ တာဝန်ရှိသူတစ်ဦးက CJ Platform ကို ပြောသည်။
နာရီဝက်ကြာတိုက်ပွဲအတွင်း စစ်ကောင်စီထံမှ MA-3 (၂)လက်၊ MA-5 Pistol (၁)လက် ကို သိမ်းဆည်းရရှိခဲ့ ကြောင်း သိရှိရသည်။