သေးဆူးလဲကျေးရွာတွင် တပ်စွဲထားသည့် စစ်ကောင်စီတပ်ကို KNDFတိုက်ခိုက် စစ်ကောင်စီတပ်သား ငါးဦးထက်မနည်းသေ
ကရင်နီပြည် ဒီမော့ဆိုမြို့နယ်အတွင်းရှိ စစ်ကောင်စီတပ်ကို သွားရောက်တိုက်ခိုက်ခဲ့ကြောင်း ကရင်နီအမျိုးသားများကာကွယ်ရေးတပ် KNDFက ယနေ့မှာ သတင်းထုတ်ပြန်ထားသည်။
သေးဆူးလဲကျေးရွာတွင် တပ်စွဲထားသည့် စစ်ကောင်စီတပ်ကို ယမန်နေ့ မနက်ပိုင်း၌ ကရင်နီတပ်မတော် KA၊ KRU၊ အလယ်ပိုင်းတိုင်း၊ KNDFတပ်ရင်း၆ နှင့် KNDFတပ်ရင်း ၅ ပူးပေါင်းတပ်ဖွဲ့မှ လက်နက်ကြီးဖြင့်ပစ်ခတ်ခြင်း၊ ဒရုန်းများဖြင့် ဗုံးကြဲတိုက်ခိုက်ခြင်းများ ပြုလုပ်ခဲ့တာပဲ ဖြစ်သည်။
အဆိုပါ တိုက်ပွဲအတွင်း KNDF တပ်ရင်း၆မှ စနိုက်ပါဖြင့် ပစ်ခတ်ခဲ့တာကြောင့်စစ်ကောင်စီတပ်သား (၁) ဦးသေဆုံးခဲ့ပြီးပူးပေါင်းအဖွဲ့မှတိုက်ခိုက်ခြင်းမှုအတွင်း စစ်ကောင်စီ တပ်သား အနည်းဆုံး (၅)ဦးသေဆုံးခဲ့ကြောင်း သိရသည် ။