ရွှေကျင်တွင် စစ်တပ်လက်နက်ကြီးကြောင့် အရပ်သား (၂) ဦးဒဏ်ရာရ
ကရင်အမျိုးသားအစည်းအရုံး(KNU) ကော်သူးလေးအုပ်ချုပ်နယ်မြေ၊ ခလယ်လွီထူ(ညောင်လေးပင်)ခရိုင်၊ တပ်မဟာ (၃)၊ ဆောထိ (ရွှေကျင်)မြို့နယ်အတွင်း အာဏာသိမ်းစစ်ကောင်စီတပ်၏ လက်နက်ကြီးပစ်ခတ်မှုကြောင့် အပြစ်မဲ့အရပ်သားပြည်သူ (၂) ဦးနှင့် ဆိတ် (၁) ကောင် ထိခိုက်ဒဏ်ရာရရှိခဲ့ကြောင်း KNU ဗဟိုက ယနေ့ အောက်တိုဘာလ ၅ ရက်နေ့တွင် ထုတ်ပြန်သည်။
ပိန်းဇလုပ်အခြေစိုက်ခလရ−၂၆၄ တပ်ရင်းမှ ၁၂၀ မမ လက်နက်ကြီး(၇)လုံးကို အောက်တိုဘာလ (၄) ရက်နေ့ ည ၇ နာရီခွဲခန့်မှ ၁၀ နာရီခွဲအတွင်းပစ်ခတ်ခဲ့ရာ ရေဖြူကန်ကျေးရွာအတွင်းသို့ကျရောက်ပေါက်ကွဲခဲ့ပြီး မသီတာဝင်း (၅၀) နှစ်နှင့် ဖွားခွန် (၇၀)နှစ်တို့ လက်နက်ကြီးထိမှန် ဒဏ်ရာရရှိခဲ့ရကြောင်း သိရသည်။