မြင်းမူမြို့နှင့် ၀မ်းပြည့်ကျေးရွာကြားတွင် စစ်ကားတစ်စီး မိုင်းဆွဲတိုက်ခိုက်ခံရ စစ်ကောင်စီတပ်သား အထိအခိုက်များ
မြင်းမူမြို့နှင့် ၀မ်းပြည့်ကျေးရွာကြားတွင် စစ်ကားတစ်စီး မိုင်းဆွဲတိုက်ခိုက်ခံရမှုကြောင့် စစ်ကောင်စီတပ်သားများ အထိအခိုက်များခဲ့ကြောင်း People’s Army to Fight Dictatorship အဖွဲ့ ခေါင်းဆောင် ဗိုလ်တေဇက CJ Platform သို့ပြောကြားသည်။
“ေ-ွးအသေအပျောက် သေချာပေါက်ကို ရှိတယ်။ အဲ့ကားမှာ လူသုံးဆယ်လောက်ပါလာတယ်။ အဲ့ဒီမှာ အကောင်းက ဆယ်ယောက်လောက်ပဲ ကျန်တယ်။ ကျန်တဲ့သူတွေက လဲတဲ့သူကလဲ၊ ဒဏ်ရာရတဲ့သူက ရ၊ အဲ့ဒီသူတွေကို မိုးကာကြီးနဲ့ အုပ်ပြီးတော့ မြင်းမူမြို့ဘက်ကို ခေါ်သွားတာ” ဟု ဗိုလ်တေဇက ပြောကြားသည်။
ဇန်နဝါရီ ၈ ရက် နံနက် ၆ နာရီ ၄၇ မိနစ်အချိန်တွင် စစ်ကိုင်းတပ်မ ၃၃ မှ မုံရွာဘက် ထွက်လာသည့် စစ်ကားနှစ်စီးအနက် တစ်စီးကို ဒေသခံ PDF ပူးပေါင်းတပ်ဖွဲ့များက မြင်းမူမြို့နယ်နှင့် ၀မ်းပြည့်ကျေးရွာကြားတွင် ပြင်းအားပြင်းမိုင်းဖြင့် တိုက်ခိုက်ခဲ့ခြင်းဖြစ်သည်။
တိုက်ခိုက်ခံရသည့် ကားသည် လုံး၀ပျက်စီးသွားပြီး ၊ ပျက်စီးသွားသည့် ကားနှင့် သေဆုံး၊ ထိခိုက်ဒဏ်ရာရသည့် စစ်ကောင်စီတပ်သားများကို ကားတစ်စီးဖြင့် သယ်ယူကာ မြင်းမူမြို့သို့ သယ်ဆောင်သွားခဲ့ခြင်းဖြစ်သည်။
အထက်ပါ စစ်ဆင်ရေးအား People’s Army to Fight Dictatorship၊ People’s Knight Defense Force Myinmu ၊ Taungtha People Defence Force၊ D.B.B.F MMU မဟာမိတ်တပ်ဖွဲ့များ ပူးပေါင်းဆောင်ရွက်ခဲ့ခြင်းဖြစ်သည်။
ဗီဒီရို- People’s Army to Fight Dictatorship
Website Link: https://cjplatform.com/
Telegram Link: https://t.me/cjplatform
YouTube Link: https://www.youtube.com/@cjplatform
Twitter Link: https://twitter.com/CjPlatform
#CjPlatform #မြင်းမူမြို့ #ဝမ်းပြည့်ကျေးရွာ #စစ်ကောင်စီကား #မိုင်းထိ