ပျက်စီးနေသည့် သေနတ်နှင့် လက်နက်ကြီးများကို ပြန်လည်ပြင်ဆင်ကာ လိုအပ်နေသည့် အဖွဲ့များသို့ ထောက်ပံ့သွားမည်ဟု P.S.P.T ထုတ်ပြန်
ပျက်စီးနေသည့် သေနတ်နှင့် လက်နက်ကြီးများကို ပြန်လည်ပြင်ဆင်ကာ လိုအပ်နေသည့် အဖွဲ့များသို့ ထောက်ပံ့သွားမည်ဖြစ်ကြောင်း People Soldiers Team က ယနေ့တွင် ထုတ်ပြန်ထားသည်။
P.S.P.T အနေဖြင့် ERO အဖွဲ့အစည်းမှ ပျက်စီး ယိုယွင်းနေသည့် Assault rifles နှင့် လက်နက်ကြီးအချို့အား ကောင်းမွန်စွာ တိုက်ပွဲ၀င် အသုံးပြုနိုင်သည် အထိ ပြုပြင် ပြင်ဆင်ကာ မကြာမီအချိန်အတွင်း အမှန်တကယ် လိုအပ်ရှားပါးနေသော ၊ operation များဖော်ဆောင်လျက်ရှိသည့် အဖွဲ့များကို ကူညီထောက်ပံ့သွားမည်ဟု ထုတ်ပြန်ထားသည်။
သို့သော် အဖွဲ့နှင့် အနီးစပ်ဆုံးရှိသည့် အဖွဲ့များကို အရင်ဆုံးပေးနိုင်မည်ဖြစ်ပြီး အဖွဲ့များအားလုံးမကူညီနိုင်သေးမည်မဟုတ်သည့်အတွက် အားနာကြောင်းနှင့် ကျန်အဖွဲ့များကို ကူညီနိုင်ရန် ကြိုးစားသွားမည်ဟုဆိုသည်။
P.S.P.T ၏ လူမှုကွန်ယက်စာမျက်နှာ၌ ပြည်သူတစ်ယောက်က မှတ်ချက်ပြုရာတွင်“အညာဘက်က PDFလေးတွေကို ပိုပီးမျှဝေပေးစေချင်ပါတယ်။ ရိုးသားတဲ့ အညာသားဗမာတွေ တူမီးနဲ့ အသက်ပေးပီး တွန်းလှန်နေရတာ မြင်တော့ စိတ်မကောင်းဖြစ်လို့ပါဟု” ရေးသားထားသည်။
P.S.P.T အနေဖြင့် PDF၊ LPDF၊ ပကဖနှင့် UG အဖွဲ့များကို မိမိတို့ တတ်မြောက်ထားသည့် ပညာနှင့် တတ်နိုင်သည့် နည်းလမ်းများဖြင့် တော်လှန်ရေးတွင် ကူညီနိုင်ရန် ကြိုးစားနေသည်ဟု ထုတ်ပြန်ထား သည်။