စစ်ကောင်စီ၏ လက်နက်ကြီး ပစ်ခတ်မှုကြောင့် ဒေါင်းမင်းစစ်ကြောင်း စခန်းပျက်စီးခဲ့သဖြင့် ဆက်သွယ်ရေးပစ္စည်းနှင့် လုံခြုံရေးပစ္စည်းများ ၀ယ်ယူရန် လိုအပ်ချက်များရှိနေ
KNU တပ်မဟာ (၆)၊ ကော့ကရိတ်စစ်ရေး ဧရိယာ၌ စစ်ကောင်စီ လက်နက်ကြီးပစ်ခတ်မှုကြောင့် ဒေါင်းမင်းစစ်ကြောင်း စခန်းပျက်စီးခဲ့ပြီး ဆက်သွယ်ရေးပစ္စည်းနှင့် လုံခြုံရေးပစ္စည်းများ ၀ယ်ယူရန် လိုအပ်ချက်များရှိနေကြောင်း ယင်းစစ်ကြောင်း တာ၀န်ရှိသူတစ်ဦးက CJ Platform သို့ပြောကြားသည်။
“ နှစ်သစ်ကူး မတိုင်ခင် ညက နှစ်ကြိမ်တိတိ ကျွန်တော်တို့ စခန်းကို ဗုံးကြဲခံရတယ်။ လူတွေတော့မထိခိုက်ပေမယ့် ပစ္စည်းအတော်များများပျက်စီးဆုံးရှုံးသွားတယ်။ လိုအပ်ချက်တွေရှိနေတာမို့လို့ ပြည်သူတွေအနေနဲ့ တတ်နိုင်တဲ့ဘက်ကနေ ကူညီဖို့ မေတ္တာရပ်ခံပါတယ်” ဟု အဆိုပါ တာ၀န်ရှိသူက ပြောကြားသည်။။
ယင်းကဲ့သို့ တိုက်ခိုက်ခံရမှုကြောင့် စခန်း၏ ၄ ပုံ ၁ပုံခန့်ပျက်စီးမှုများရှိခဲ့ကြောင်း၊ လုံခြုံရေးအခြေအနေများကြောင့် ယခုမှ ထုတ်ပြန်ပြောကြားခြင်းဖြစ်သည်ဟု ယင်းက ဆိုသည်။
“ပထမနေ့ည ၁၁ နာရီမှာ တစ်ကြိမ်၊ ၁၂ နာရီမှာ တစ်ကြိမ် သင်္ကန်းညီနောင်မှာရှိတဲ့ စခကုန်းကနေ Missiles တွေနဲ့ပစ်တာ စခန်းကို ကျည်ငါးလုံးကျတယ်။ ဒုတိယရက်မှာ ည ၁၂ နာရီကနေ မနက် ၂ နာရီအထိ လေယာဉ်နဲ့ နှစ်ကြိမ် ဗုံးကြဲပြီးတော့ စက်သေနတ်နဲ့ပါပစ်တယ်။ လေယာဉ်ပေါ်ကနေ ပေါင် ၅၀၀ ဗုံးကြဲလို့ စခန်းကို ထိခိုက်သွားတာ” ဟု ဒေါင်းမင်းစစ်ကြောင်း တာ၀န်ရှိသူက ပြောကြားသည်။
စစ်ကောင်စီဘက်မှ လက်နက်ကြီးပစ်ကူနှင့် လေကြောင်းပစ်ကူ နှစ်ကြိမ်တိုင်တိုင်အသုံးပြုမှုကြောင့် ဒေါင်းမင်းစစ်ကြောင်းစခန်းတွင် အခိုင်အမာတည်ဆောက်ထားသည့် တဲနှစ်လုံးမှ အပ အားလုံးပြိုပျက် ပျက်စီးခဲ့ပြီး လူထိခိုက်မှုမရှိကြောင်း သိရသည်။
“ အခုတော့ လတ်တလော စခန်းပြောင်းရွှေ့ထားပြီး၊ ယာယီစခန်းတစ်ခုချထားတယ်။ ပျက်စီးသွားတဲ့ ပစ္စည်းတွေထဲမှာ တပ်ဖွဲ့အတွက် အရေးကြီးတဲ့ ဆက်သွယ်ရေးနဲ့ လုံခြုံရေးပစ္စည်းတွေ၀ယ်ယူဖို့ လိုအပ်ချက်ရှိနေပါတယ်။ ဒါကြောင့် ကျွန်တော်တို့ ဒေါင်းမင်းတပ်ဖွဲ့ရဲ့ Facebook Page ကနေ ဆက်သွယ်ပြီး ကူညီပေးဖို့ မေတ္တာရပ်ခံပါတယ်” ဟု တာ၀န်ခံက ပြောကြားသည်။
ဓာတ်ပုံ-ဒေါင်းမင်းစစ်ကြောင်း
Website Link: https://cjplatform.com/
Telegram Link: https://t.me/cjplatform
YouTube Link: https://www.youtube.com/@cjplatform
Twitter Link: https://twitter.com/CjPlatform
#CjPlatform #ဒေါင်းမင်းစစ်ကြောင်း #ကော့ကရိတ်