စစ်ကောင်စီ၏ ကျောက်စစ်ပုံအမြောက်တပ် ရော့ကတ် အလုံး ငါးဆယ်ကျော်ဖြင့် အပစ်ခံရ
စစ်ကိုင်းတိုင်း၊ မုံရွာမြို့နယ်၊ ကျောက်စစ်ပုံရွာရှိ အမြောက်တပ်ကို PDF များက ရော့ကတ် အလုံး ၅၀ ကျော်ဖြင့် ပစ်ခတ်တိုက်ခိုက်ခဲ့ကြောင်း မုံရွာခရိုင်တပ်ရင်း (၄) တပ်ရင်း တာ၀န်ရှိသူတစ်ဦးက CJ Platform သို့ပြောသည်။
မတ်လ ၁၄ ရက်နေ့ ညနေ ၅ နာရီ ၃၀ မိနစ်ခန့်တွင် မုံရွာမြို့ အမတ ၅၀၈ (ကျောက်စစ်ပုံမြောက်တပ်) ကို ရော့ကတ် အလုံး ၅၀ ကျော်ပစ်ခတ်ခဲ့ပြီး တိုက်ခိုက်ခဲ့ကြောင်း ၊ တပ်တွင်းသို့ ကျရောက်ပေါက်ကာ မီးလောင်ခဲ့ပြီး အထိအခိုက်စာရင်းကို စုံစမ်းနေဆဲ ဖြစ်ကြောင်း သိရသည်။
“ထိခိုက်မှု နောက်ဆက်တွဲအခြေနေတော့ မရသေးဘူး ။ မီးလောင်တာတော့ သေချာတယ်။ ကျွန်တော်တို့ တိုက်ခိုက်တာကတော့ ပထမဆုံးအကြိမ်ပါ။ အဲဒီတပ်က ကျေးရွာတွေကို ရမ်းပစ်တာတွေရှိတယ်” ဟု မုံရွာခရိုင်တပ်ရင်း (၄) တပ်ရင်း တာ၀န်ရှိသူတစ်ဦးက CJ Platformသို့ ပြောသည်။
တိုက်ခိုက်ခံရပြီးနောက် ကျောက်စစ်ပုံအမြောက်တပ်မှ လက်နက်ကြီးဖြင့် နှစ်ကြိမ်ပြန်လည်ပစ်ခတ်သော်လည်း တော်လှန်ရေးရဲဘော်များ အထိအခိုက်မရှိအောင်မြင်စွာဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို မုံရွာခရိုင်တပ်ရင်း (၃) ၊ မုံရွာခရိုင်တပ်ရင်း (၂၇) ၊ ယင်းမာပင်ခရိုင် တပ်ရင်း (၁၆) နှင့် မုံရွာခရိုင်တပ်ရင်း (၄) မှ ဦးစီးပြီး မုံရွာခရိုင်တပ်ရင်း (၄) အထူးကွန်မန်ဒိုတပ်ဖွဲ့ (Monywa the Boys) ၊ မုံရွာခရိုင်တပ်ရင်း (၄) တပ်ခွဲ (၂) Monywa Commando Force ၊ မုံရွာခရိုင်တပ်ရင်း (၄) တပ်ခွဲ (၃) Monywa Nightking PDF ၊ မုံရွာခရိုင်တပ်ရင်း (၄) တပ်ခွဲ (၄) 5/Teachers Defence Force PDF တို့မှ ပူးပေါင်း ဆောင်ရွက်ခဲ့ကြောင်း သိရသည်။
ဖော်ဖော်၀ါရီလ ၂၉ ရက်နေ့က ကျောက်စစ်ပုံ အမြောက်တပ် ဝန်းကျင်တွင်ရှိသော ကျေးရွာများကို အပြန်အလှန် တိုက်ပွဲမရှိဘဲ စစ်ကောင်စီတပ်က ၀င်ရောက်မီးရှို့ခြင်း ၊ လက်နက်ကြီးနှင့် ပစ်ခတ်ခြင်းကြောင့် အရပ်သားထိခိုက် သေဆုံးမှုများ ရှိခဲ့ကြောင်း မုံရွာ ဒေသခံများထံက သိရသည်။