စစ်ကိုင်းမြို့၊ ညောင်ပင်ဝန်းရွာအား စစ်တပ်မှ အင်အားအလုံးအရင်းဖြင့် ပစ်ခတ်ဝင်ရောက်ကာ ဒေသခံ ၁၀ ဦးအား ဖမ်းဆီးသွား
စစ်ကိုင်းတိုင်း၊ စစ်ကိုင်းမြို့၊ ညောင်ပင်ဝန်းရွာအား စစ်ကောင်စီမှ အင်အားအလုံးအရင်းဖြင့် ပစ်ခတ်ဝင်ရောက်ကာ ဒေသခံ ၁၀ ဦးကို ဖမ်းဆီးသွားကြောင်း ဒေသခံတစ်ဦးမှ CJ Platform သို့ပြောကြားသည်။
ဖေဖော်ဝါရီ ၈ ရက် နံနက်ပိုင်းတွင် စစ်ကောင်စီအင်အား ၁၀၀ ခန့်သည် ညောင်ပင်ဝန်းရွာသို့ သေနတ်များပစ်ခတ်ကာ ဝင်ရောက်လာပြီး ရွာခံ ၁၀ ဦးကို ဖမ်းဆီးခဲ့ခြင်းလည်း ဖြစ်သည်။
“ဖေဖော်ဝါရီ ၇ ရက်နေ့တုန်းက ညောင်ပင်ဝန်းမှာ ရဲလေးဦး အပစ်ခတ်ခံရပြီးတော့ ၂ ဦးသေတယ်။ အဲ့ဒါနဲ့ပတ်သက်ပြီး ရွာကိုဝင်မွှေတာ အမျိုးသမီးတစ်ဦး၊ အမျိုးသား ၉ ဦးကိုဖမ်းသွားတယ်။ အခုတပ်မ ၃၃ ကိုဖမ်းသွားပြီး၊ ကိုယ့်လူတွေ မသေပါစေနဲ့ ဆုတောင်းရုံပဲ တတ်နိုင်တော့တယ်” ဟု ဒေသခံတစ်ဦးက ပြောကြားသည်။
လက်ရှိတွင်လည်း ညောင်ပင်ဝန်းရွာ တစ်ဝိုက်တွင် စစ်တပ်မှ အင်အား ၅၀ ခန့်ချထားပြီး၊ မုံရွာ-မန္တလေး လမ်းပေါ်သို့ ဒေသခံပြည်သူများ ထွက်ရန်ပင် အခက်အခဲရှိနေသည်ဟု ယင်းက ဆက်လက်ရှင်းပြသည်။
ဖေဖော်ဝါရီ ၇ ရက် နံနက် ၇ နာရီ မိနစ် ၅၀ ခန့်တွင် ညောင်ပင်ဝန်းရဲကင်းစခန်းရှေ့၊ စစ်ကိုင်း-မုံရွာ ကားလမ်းမပေါ်သို့ တက်လာပြီး ရေသန့်ဘူး သွားလဲ့သည့် ရဲအုပ်လှကို အပါအ ၄ ဦးသည် ပစ်ခတ်ခံရပြီး ဒုတပ်ကြသန်းညွန့်ဦးနှင့် ရဲတပ်သား မြတ်တိုးမောင် နှစ်ဦး သေဆုံးခဲ့ပြီး ရဲအုပ်လှကို နှင့် ဒုရဲတပ်ကြပ် သန်းဇော်တို့ စိုးရိမ်ရဒဏ်ရာရရှိခဲ့သည်။
ထိုကဲ့သို့ ပစ်ခတ်ခံရမှုကြောင့် စစ်ကောင်စီတပ်များသည် ဖေဖော်ဝါရီ ၈ ရက်နေ့တွင် ညောင်ပင်ဝန်းရွာသို့ အကြမ်းဖက်ဝင်ရောက်ပြီး ဒေသခံများကို မတရားဖမ်းဆီးခဲ့ခြင်းလည်း ဖြစ်သည်။
ဓာတ်ပုံ- ပေးပို့
Website Link: https://cjplatform.com/
Telegram Link: https://t.me/cjplatform
YouTube Link: https://www.youtube.com/@cjplatform
Twitter Link: https://twitter.com/CjPlatform
#CjPlatform #စစ်ကိုင်းတိုင်း #ညောင်ပင်ဝန်းရွာ #လူသားဒိုင်း