ကြည့်မြင်တိုင်ဆိပ်ကမ်းရှိ ရန်ကုန်မြစ်အတွင်း၌ သေဆုံးနေသူ တစ်ဦးအားတွေ့ရှိ
ရန်ကုန်မြို့၊ ကြည့်မြင်တိုင်မြို့နယ်ရှိ ရန်ကုန်မြစ်အတွင်း အမည်မသိ သေဆုံးနေသူတစ်ဦး၏ အလောင်းအား တွေ့ရှိခဲ့ကြောင်း သိရသည်။
နိုဝင်ဘာ ၂၉ရက် နေ့လည်ပိုင်းက ကြည့်မြင်တိုင်မြို့နယ်၊ ကြည့်မြင်တိုင်ဆိပ်ကမ်းအနီးရှိ ရန်ကုန်မြစ်အတွင်း သေဆုံးနေသော အမျိုးသားတစ်ဦး၏ အလောင်းအား တွေ့ရှိခဲ့ကြောင်း သိရသည်။ သေဆုံးသူမှာ ဂျင်းဘောင်းဘီနှင့် တီရှပ်အင်္ကျီတို့အား ဝတ်ဆင်ထားကာ အလောင်းမှာ ပုတ်ပွနေပြီဖြစ်ကြောင်း သိရသည်။
” သေဆုံးသူက ဘယ်သူမှန်းတော့ အခုထိ မသိရသေးဘူး။ မိသားစုနဲ့လည်း အဆက်အသွယ်မရသေးပါဘူး။ အလောင်းက ပုတ်ပွနေတော့ ဘယ်သူဆိုတာ ခန့်မှန်းလို့လည်း မရဘူး။ ရေထဲပြုတ်ကျပြီး သေတာလား ၊ တခြားတစ်ခုခုကြောင့် သေတာလား ဆိုတာတော့ ရဲက ဆက်လက်စစ်ဆေးနေပါတယ်”ဟု ကူညီပေးခဲ့သော လင်းလက်လူမှုကူညီရေးအဖွဲ့မှ တာဝန်ရှိသူ တစ်ဦးက ပြောသည်။
ရေနစ်သေဆုံးသူ အလောင်းအား ရန်ကုန်ဆေးရုံကြီးသို့ ပို့ဆောင်ခဲ့ကြောင်း သိရသည်။ ပြီးခဲ့သည့် နိုဝင်ဘာ ၂၇ရက်နေ့ကလည်း ရန်ကုန်မြစ်အတွင်း ဒလဘက်ကမ်း၌ သေဆုံးနေသော အသက် ၄၀ အရွယ်ခန့် အမည်မသိ အမျိုးသားတစ်ဦးဧ၊် အလောင်းအား တွေ့ရှိခဲ့သည်။
ဓာတ်ပုံ- လင်းလက်လူမှုကူညီရေးအဖွဲ့
Website Link: https://cjplatform.com/
Telegram Link: https://t.me/cjplatform
YouTube Link: https://www.youtube.com/@cjplatform
Twitter Link: https://twitter.com/CjPlatform
#CjPlatform #ရန်ကုန်မြို့ #ကြည့်မြင်တိုင်မြို့နယ် #ရေနစ်သေ