ကျိုက်ဒုံရဲစခန်း ဝင်ရောက်စီးနင်းခံရပြီး လက်နက်ခဲယမ်းများ သိမ်းဆည်းရမိ
ကရင်ပြည်နယ် ကြာအင်းဆိပ်ကြီးမြို့နယ်ရှိ ကျိုက်ဒုံရဲစခန်းကို ကရင်အမျိုးသားလွတ်မြောက်ရေးတပ်မတော် KNLA ပူးပေါင်းတပ်ဖွဲ့က ဝင်ရောက်စီးနင်းတိုက်ခိုက်ခဲ့ပြီး လက်နက်ခဲယမ်းများစွာ သိမ်းဆည်းရခဲ့ကြောင်း ဒေါနစစ်ကြောင်းက သတင်းထုတ်ပြန်ထားသည်။
ကျိုက်ဒုံရဲစခန်းကို KNLA နှင့် ဒေါနစစ်ကြောင်း တပ်ခွဲ(၁)ပူးပေါင်းအဖွဲ့က ယမန်နေ့ညပိုင်းမှာ ဝင်ရောက် စီးနင်းတိုက်ခိုက်ခဲ့တာဖြစ်ပြီး (၁၀)မိနစ်ခန့် တိုက်ပွဲဖြစ်ပွားခဲ့ခြင်း ဖြစ်သည်။
အဆိုပါ တိုက်ပွဲအတွင်း ရှေ့ထွက် မိုင်း ၄ လုံး၊ မိုင်းကြိုး ၂ ခွေ၊ လက်ပစ်ဗုံး ၂၃ လုံး၊ 7.62 ကျည် ၂၅၄၀ တောင့်၊ ၆၀ မမ ဗုံးသီး ၂၃ လုံးဝ G3 ၆ လက်၊ G3 ကျည်ဘောက် ၁၁ ဘောက်၊ G4 ၁ လက်၊ အူဇီ ၂ လက်၊ ခြောက်လုံးပြူး ၄ လက်၊ ကွန်မန်ဒိုစိန်ပြောင်း ၁ လက်၊ ဆက်သွယ်ရေး စက်ကြီး ၁ လုံးနှင့် RPG ပို့ယမ်း ၃ တောင့်တို့ကို ပူးပေါင်းတပ်ဖွဲ့ဘက်က သိမ်းဆည်းရမိခဲ့တာပဲ ဖြစ်သည်။
တိုက်ပွဲအတွင်း စစ်ကောင်စီ တပ်သားများ၏ ထိခိုက်သေဆုံးမှုများကို အတည်ပြုနိုင်ရန်စုံစမ်းနေဆဲ ဖြစ်ကြောင်း ထုတ်ပြန်ချက်တွင် ဖော်ပြထားသည်။
#ကရင်ပြည်နယ် #ကြာအင်းဆိပ်ကြီး #ကျိုက်ဒုံရဲစခန်း #KNLA #လက်နက်ခဲယမ်း