ကိုဗစ်ရောဂါပိုး နေ့စဥ် ရာချီတွေ့နေပါသော်လည်း ပြည်သူများစိုးရိမ်မှု ကင်းမဲ့လာ
ကိုဗစ် ရောဂါပိုးတွေ့ရှိမှုသည် နေ့စဥ် ရာချီတွေ့ရှိနေကြောင်း စစ်ကောင်စီ လက်အောက်ရှိ ကျန်းမာရေးဝန်ကြီး၏ နေ့စဥ်ထုတ်ပြန်ချက်များအရ သိရှိရသော် လည်း ပြည်သူများ မှာ စိုးရိမ်ဖွယ်ရာ အရိပ်အခြေမမြင်ရပေ။
“ကိုဗစ်ကလည်း သူ့သာဖြစ်နေတာဘဲ ကျွန်မတို့လဲ ဈေးရောင်းနေရတာလေ သူတို့ စာရင်းက ဟုတ်လားမဟုတ်လားကလဲ မသေချာတော့ ၊ သိပ်မစိုးရိမ်ပါဘူး၊ ကိုဗစ် အသံကြားရတာ ရိုးနေပြီ အခု က ဈေးတက်ပြီဆိုတဲ့ အသံက ပိုရင်ခုန်နေရတာလေ” ဟု ဈေးသည်တစ်ဦးက ဆိုသည်။
ယမန်နေ့ အောက်တိုဘာ ၂၉ ရက်တွင် ကိုဗစ်အတည်ပြု လူနာသစ် ၁၆၇ ဦးတွေ့ရှိခဲ့ပြီး သေဆုံးသူမရှိခဲ့ကြောင်း ကျန်းမာရေးဝန်ကြီးဌာန၏ ထုတ်ပြန်ချက် အရ သိရသည်။
ယမန်နေ့ အောက်တိုဘာ ၂၈ ရက်၏ကိုဗစ်အတည် ပြုလူနာသစ် ၁၃၂ ဦးတွေ့ရှိခဲ့ပြီး သေဆုံးသူ ၁ ဦးရှိခဲ့ကာ ယနေ့တွင် လူနာသစ် ၃၅ ဦး တိုး၍တွေ့ရှိခဲ့ကြောင်း သိရသည်။
မြန်မာနိုင်ငံ ၌ ယနေ့ အထိ ကိုဗစ်အတည်ပြုလူနာ စုစုပေါင်း ၆၃၁,၅၃၄ ဦး ရှိခဲ့ပြီး သေဆုံးခဲ့သူ စုစုပေါင်း ၁၉,၄၈၁ ဦးရှိခဲ့ကြောင်း ကျန်းမာရေဝန်ကြီးဌာန ၏ ထုတ်ပြန်ချက်အရသိရသည်။
ကိုဗစ် ၁၉ ရောဂါပိုးသည် ပြည်တွင်း၌ ပြန်လည်ကူးစက်လာခဲ့သည်မှာ သြဂုတ်လ ၏ နောက်ဆုံးပတ်မှ စတင်ခဲ့ရာ သြဂုတ်လ တစ်လတာအတွင်းအတည်ပြု လူနာသစ် ၁၃၀၃ ဦးတွေ့ရှိခဲ့ပြီး၊ စက်တင်ဘာလ တစ်လတာအတွင်း အတည်ပြုလူနာသစ် ၇၉၄၅ ဦး ထိ တိုးမြှင့်တွေ့ရှိလာခဲ့သည်ကို တွေ့ရသည်။